PROJECT DEVELOPMENT WORKSHOP, GINPATIGAYON

OPISYAL NGA NAG-UMPISA ANG PROJECT DEVELOPMENT WORKSHOP UKON PDW SANG DSWD KALAHI CIDSS PAAGI SA PARTISIPASYON SANG MGA KATAPO SANG PROJECT PREPARATION TEAM UKON PPT KAG ISA KA BARANGAY SUB PROJECT MANAGEMENT COMMITTEE CHAIRMAN.

GINTAMBUNGAN ANG PAGTILILIPON SANG MGA KATAPO SANG MUNICIPAL INTER AGENCY COMMITTEE UKON MIAC, PILA KA MGA STAKEHOLDERS KAANGAY SANG MGA CIVIL SOCIETY ORGANIZATIONS, MUNICIPAL OFFICIALS, KAG REPRESENTANTE SANG PROVINCIAL SOCIAL WELFARE AND DEVELOPMENT OFFICE PAAGI KAY SOCIAL WELFARE OFFICER 1 REBECCA HOPE LOTILLA KAG ENGR. ROMBER UNGSOD GIKAN SA REGIONAL PROJECT MANAGEMENT OFFICE SANG DSWD KALAHI CIDSS.

KATUYUAN SANG WORKSHOP NGA MATUDLUAN KAG MA-EDUKAR ANG MGA COMMUNITY VOLUNTEERS SANG PROSESO SA PAGHIMO SANG ENGINEERING DOCUMENTS KAG PROPOSAL KAG MATUN-AN ANG MGA RISGO NGA MAKAAPEKTO SA DUNANG MANGGAD SA TION SANG PROJECT IMPLEMENTATION.

MAGATAPOS ANG WORKSHOP SA MAABOT NGA SABADO KUN SA DIIN GINTUNGA SA TATLO KA MGA BATCH ANG 45 KA MGA BARANGAY KUN SA DIIN GIN-UNA KAHAPON NGA ADLAW TUBTUB SUBONG ANG BRGY. LUMPATAN, RIZAL, SUMARAY, LAPAK, ALEGRIA, VILVAR, SAN RAPHAEL,, CABUNGAAN, TUBUDAN, WALKER, MARAGUBDUB, CABIAWAN, OSORIO 2, AGRICULA, KAG PANPANAN 2 NGA LUNSAY ROAD CONCRETING, REHABILITATION, KAG FOOT TRAIL ANG NAPILIAN NGA PROYEKTO.