KALAHI CIDSS WORKERS SA BANWA SANG SAN REMIGIO, NAGAPANGATUBANG SANG RISGO.

HANDA NGA ATUBANGON SANG MGA KALAHI CIDSS WORKERS ANG RISGO AGUD MADUL-ONG ANG NAGAKAANGAY NGA SERBISYO SOSYAL SA MGA PUMULUYO SANG SAN REMIGIO PAAGI SA PROYEKTO.

INI ANG NANGIN COMMITMENT SANG GRUPO MATAPOS ANG KABUDLAYAN NGA NA-EKSPERYENSYAHAN SA PAGSAKA SA BUKID KAG PAGTABOK SA SUBA SA TION NGA MAGPADULONG SA MGA KABARANGAYAN.

GINPAHAYAG NANDAY COMMUNITY FACILITATORS JOHN DIOSO KAG MARJORIE ANDRES NGA DAKO ANG PELIGRO NGA ATUBANGON SANG MGA WORKERS BANGUD MALUWAS SA MABUKID ANG LUGAR, INDI PA MAPAKTAN ANG GULPYADA NGA PAGTAAS SANG LEBEL SANG TUBIG SA SIBALOM RIVER NGA NAGA-AGI SA NASAMBIT NGA BANWA.

NAHIBALUAN, EXPERYENSYADO NGA MOUNTAINEER SANDAY DIOSO KAG ANDRES KAG NANGIN KABAHIN MAN ANG MGA INI SA PAGSAKA SA MGA MATAAS NGA KABUKIRAN SA VISAYAS KAG LUZON SA IDALOM SANG ANTIQUE MOUNTAINEERING SOCIETY.

SINING DAMLAG LANG, NAANOD ANG GAMIT KAG BAG SANG ISA KA COMMUNITY
FACILITATOR MATAPOS NGA NAGTABOK INI KAG AKSIDENTE NGA NADULA ANG BALANSE SA MABASKOG NGA SUBA SA BARANGAY BAWANG, SAN REMIGIO, ANTIQUE.