MGA RISGO SA IMPLEMENTASYON SANG PROYEKTO, GINTUMOD

GINKLARO NANDAY DEPUTY AREA COORDINATORS ENGR. CARLEEN TIBI KAG ENGR. NELSON MAGBANUA NGA MAY MGA BUTANG NGA DAPAT TAN-AWON BAG-O E IMPLEMENTAR ANG PROYEKTO SANG KALAHI CIDSS.

PILA SA MGA INI AMU ANG MGA RISGO SA TION NGA GINA-UBRA ANG PROYEKTO KUN SA DIIN GINANTAN-AW ANG MGA ASPETO SA PAG-OBSERBAR SANG INSAKTO NGA PAGTARABAHO SANG MGA PUMULUYO, COMMITMENT NGA MASUSTINIR ANG PAG-UBRA, RISGO SA KALAMIDAD KATULAD SANG BAHA, BAGYO KAG IBAN PA.

KALAKIP MAN ANG RISGO SA CONTRACTOR KAG SUPPLIER SA INSAKTO NGA KALIDAD SANG CONSTRUCTION MATERIALS.

ANGOT SINI, GIN-ATHAG SANG DUWA NGA TUMAN KA IMPORTANTE ANG PAGTAN-AW SANG MGA POSIBLE NGA RISGO SA KOMUNIDAD AGUD MAHIBALUAN SA UNA PA LANG ANG MGA PROBLEMA SA IMPLEMENTASYON SANG PROYEKTO KAG MASULBAR INI SA AGA PA.